عيالك مطفشينك مايسمعون الكلام ولا ياكلون ولا ينامون

من طرف **السهرانه** الثلاثاء يونيو 30, 2009 10:54 pm

السلام عليكم ورحمة الله وبركاته

كيفكم بنات

حبيت افيدكم بشي بسيط وسهل

اذا كانو عيالك مايسمعون كلامك
او بس يبكي
او ماينام بدري
او يكذب

الحل درسته دراسه وافيه وجربته على اخواني
لان بنتي 8شهور ماتفهم
ونصحت ناس كثير بها الشي والحمد لله جاب نتيجه

الحل

جيبي ورقه كبيره او فلينهارسمي جدول
واكتبي فوق السبت/الاحد/الاثنين/الثلاثاء/الاربعاء/الخميس/الجمعه
وتحت فراغات
وجيبي صور نجوم
وامسكي ولدك او بنتك
وقولي له انا بشوف اليوم اذا بكيت والا لا اذا اليوم كامل مابكيت احط لك نجمه(او مااكلت/او ماذاكرت/اوضربت اخواتك ........)
يعني<<<<تحت يوم السبت مثالا
واذا جاء نهاية الاسبوع وعندك نجوم كثيره بجيب لك سياره كبيره او عروسه كبيره

بس بشرط<<<<<<<<لاتكذبين نفذي وعدك
لانك لو كذبتي عليه ماراح يسمع كلامك

من جد هذي الطريقه جدأأأأأأ رائعه
وطبقناها عملي في روضات كثيره

كنت اقول للاطفال في الروضه
بشوف الاسبوع هذا ميني يجمع نجوم كثيره
والي يجمع نجوم كثيره
يلبس التاج ويسير ملك ونعطيه هديه كبيره

اتمنى انكم استفدتو

هذي خبرتي البسيطه
لاني اشوف كثير يعانون معاها

بس ياليت اي وحده تجربها الله يدخلها الجنه تكتب تجربتها

واي استفسار بخصوص اي سلوك للاطفال<<انا حاضره
لاني من جد كنت استمتع بدراستي وكنت اطبق ع الاطفال واشوف النتيجه

الموضوع منقول لعيونكم