قصيدة عشرة شروط

خــابرك تبيــني وأنــــا مثـلـك أبيــك *** من بعد ما دار الزمـــــان ولقيتـــك
يا صاحبي ما عاد لي رغــــبة فيـك *** أبيك تنساني مثـل مــــا نسيتـــك
وان كان ودك في مواصل محاكيــك *** اجــل بــلاش اللفلفــة لا بكيتــــك
عشرة شروط إن كان تبغاني أجيك *** حتى يعـود قلـــب مغليـــك بيتـــك
أبـيـــــك ترضـيـــنـي وتتــرك تغلـيـك *** وأبيك تعطيني مثل مـــا عطيتــــك
وأبيك تفــرح بي ليــا جيت ناصيـــك *** يعنــــي تفـــز وتنتهــض لا نصيتــك
وأبيك تنسى كل من كان شاريـــك *** مادام أنا بدمــوع عيـنـي شريتـــك
وأبيك تعرف قـــدرك بقـلـب مـغلـيـك *** وأبيك قد الهقـــوه اللــي هقيتـــك
وأبيـــــك تتنـــازل وتتـــرك تحــديـــك *** وأبيــك خطـــن لا كتبتـــك قريتـــك
وأبيــك تنسينــي دروب التهـــاليـــك *** يا دربي اللي تهت فيك ومشيتـك
هذي شروطي كان تبغاني اجيــــك *** هذا بعد يا صاحبـي كـــان جيـتـك

الشاعر مرزوق الثبيتي

مشكوور اخوي

شكرا ع القصيده

مشكور اخوي


جزاك الله خير


انا من محبي الشاعر مرزوق الصويفي الثبيتي العتيبي

اعرفه معرفه شخصيه


لو ماحطيت هاذي القصيدة انا احطها


شاااكر لك يابو الجمايل اسم على مسمى